एजेन्सी–फ्रान्सेली क्लब पेरिस सेन्ट जर्मेन (पीएसजी)का स्टार ब्राजिलिय फुटबलर नेयमारलाई ३ खेलको प्रतिबन्ध लागेको छ । उनले खेल अनुशासन तोडेको भन्दै ३ खेलमा प्रतिबन्ध लगाइएको हो । नेयमारले कोपा डे फ्रान्सको फाईनल खेलपछि रेनेसका समर्थकमाथि हात हालेको आरोप लागेको छ ।

प्रतियोगितामा पीएसजीका अर्का स्टार केलियन एम्बाप्पेले रातो कार्ड खाएका थिए । उक्त खेलमा पीएसजी २–२ गोलको बराबरी खेल्यो । निर्णयका लागि लिएको पेनाल्टि सुटआउटमा पराजित हुँदै पीएसजी प्रतियोगिताबाट बाहिरिएको थियो ।

हारपछि पीएसजी घरेलु फुटबलमा एकै सिजन दुई कप जित्न असफल भएको थियो । प्रतियोगिताको उपबिजेता बनेपछि मेडल लगाउन जाने क्रममा नेयमारले विपक्षी क्लबका समर्थकमाथि मुक्का प्रहार गरेका थिए ।

लामो समय मैदान बाहिर रहेका नेयमार स्टार्सवर्गविरुद्धको खेलमार्फत लिगमा फर्किएका थिए । फ्रान्स फुटबल संघले विश्व फुटबलका महङ्गा खेलाडी नेयमारलाई घरेलु फुटबलमा तीन खेलको प्रतिबन्ध लगाईएको बताएको छ ।