काठमाडौं– सामुद्रिक चक्रवात ‘बुलबुल’ का कारण भारत र बंगालादेशमा हजारौं नागरिक प्रभावित भएका छन् ।

भारतको ओडिशा लगायतका स्थानमा बुलबुलले धेरै क्षति पु¥याएको छ । दुई जनाको चक्रवातका कारण ज्यानसमेत गुमाएका भारतीय सञ्चारमाध्यमहरुले जनाएका छन् ।

चक्रवातका कारण रुखहरु लड्दा ओडिसाका कयौं क्षेत्रमा यातायात प्रभावित भएको छ । अहिले यो चक्रवात उत्तर पूर्व तर्फ बढिरहेको र बंगलादेश तर्फ अघि बढिरहेको भारतीय मौसम विभागले जनाएको छ ।

चक्रवातका कारण कोलकता विमानस्थल नै अवरुद्ध भएको थियो ।

चक्रवातले शनिबार राति भारत र बंगलादेशको केही क्षेत्रमा भारी वर्षासमेत भएको थियो ।

बङ्लादेशको मौसम विभागका अनुसार १२० देखि १५० किलोमिटर प्रतिघण्टाको वेगमा आएको आँधीका कारण समुद्रमा उच्च छाल आउने जोखिम हुन्छ ।

बुल(बुल” बंगालादेश नजिक रहेको र यो प्रणालि हाल उत्तरपुर्वी दिशातर्फ बढ्ने देखिएको नेपालको मौसम विभागले जनाएको छ । तर यसको असर नेपालमा भने नपर्ने मौसम पूर्वानुमान महाशाखाले जनाएको छ ।

चक्रवात बंगलादेशको उत्तरपूर्वी भूभागबाट बाहिरिने भएकाले यसको असर नेपालमा पर्ने सम्भावना नभएको मौसमविभागको भनाइ छ ।