काठमाडौं– दूरसञ्चार सेवा प्रदायक कम्पनी एनसेलको पूँजीगत लाभर प्रकरणमा सर्वोच्च अदालतले जारी गरेको आदेशलाई लिएर सांसदहरुले आदेश जारी गर्ने न्यायाधीशमाथि महाअभियोग लगाउनुपर्ने सम्मको माग गर्न थालेका छन् ।

प्रतिनिधिसभाको पछिल्लो वैठकको शुन्य तथा विशेष समयमा बोल्ने अधिकांश सांसदहरुले एनसेल प्रकरणमा सर्वोच्चद्वारा जारी आदेशको विषय उठाउने गरेका छन् ।

यस क्रममा मंगलबार बसेको प्रतिनिधिसभा बैठकमा एनसेलको पूँजीगत लाभकर छुट हुने गरी आदेश दिने सर्वोच्चका न्यायाधीशविरुद्ध महाअभियोग नै दर्ता गर्नुपर्ने माग राखे ।

म‌ंगलबार प्रतिनिधिस बैठकको शून्य समयमा बोल्दै सांसद मोहन बानियाँले न्यायालयले सांसदको मनोबल गिराउने काम गरेको आरोप लगाउनुभएको छ ।

सांसद बानियाँले एनसेलको लाभांश करमा न्यायाधीशले गलत न्याय सम्पादन गरेको दोषारोपण गर्दै यसबाट सांसदको मनोबल गिरेको बताए । उनले त्यस्ता न्यायाधीशलाई संसद्ले महाअभियोग लगाउनुपर्ने धारणा राखे ।