भोजपुर-भोजपुरमा प्रहरी र विप्लव कार्यकर्ताबीच गोलीहानाहान हुँदा दुई जनाको मृत्यु भएको ।

मृत्यु हुनेमा एक जना प्रहरी र एक जना  विप्लवका कार्यकर्ता रहेको प्रहरीले जनाएको छ । खोटाङ स्थायी घर भएका प्रहरी सञ्जीव राईको गोली लागेर मृत्यु भएको हो । विप्लव तर्फका एकको मृत्यु भएको प्रहरीले जनाएको छ । एक जना प्रहरी घाइते भएका छन् । घाइतेको स्थानीय अस्पतालमा उपचार भइरहेको छ ।

आज विहान प्रहरीलाई लक्षित गरी भोजपुर बजारमा गोली प्रहार हुँदा दोहोरो झडप भएको थियो । झडपमा घाइते भएका तीन जना मध्ये दुई जनाको अस्पतालमा मृत्यु भएको हो अर्का एक जनाको उपचार भइरहेको छ । घटनाको विस्तृत विवरण आउन बाँकी छ । प्रहरीले गोली चलाउने समूहको खोजी जारी राखेको छ ।