म्याग्दी– म्याग्दीको राखुदेखि बेनी आउँदै गरेको जिप आइतबार दिउँसो रघुगंगा गाउँपालिका ३ पिप्लेमा दुर्घटना हुँदा १३ जना घाइते भएका छन् । दुई जनाको अवस्था गम्भिर रहेको जिल्ला प्रहरी कार्यालयले जनाएको छ ।

ग १ ज ५८९९ नम्बरको जिप सडकबाट पाखोमा खस्दा घाइते भएका १३ जनालाई उपचारका लागि बेनी अस्पताल ल्याइएको प्रहरी निरीक्षक लोकबहादुर गुरुङले जानकारी दिए ।  घाइतेहरुको नाम पहिचान भएको छैन् ।

गलेश्वर स्थीत शसस्त्र प्रहरी क्याम्पका शसस्त्र, गलेश्वर प्रहरी चौकीका सुरक्षाकर्मी, स्थानीयबासीहरुले घाइतेलाई उद्धार गरेका थिए ।

चालकलाई नियन्त्रणमा लिएर अनुसन्धान सुरु गरिएको प्रहरी निरिक्षक गुरुङले बताए । जिप सडक देखि करिब एक सय मिटर तल खसेको प्रत्यक्षदर्शीले बताएका छन् ।