हेटौँडा – मुटुको भल्बमा समस्या देखिएपछि अस्पताल भर्ना भएका प्रदेश नं ३ का मुख्यमन्त्री डोरमणि पौडेल डिस्चार्ज भएका छन् । गत जेठ १९ गते अस्पताल भर्ना भएका पौडेल एक हप्ताको उपचारपछि अस्पतालबाट डिस्चार्ज भएका हुन् ।
मुख्यमन्त्री पौडेलले नियमित स्वास्थ्य परीक्षण गर्दा क्रममा मुटुमा समस्या देखिएको थियो । काठमाडौँको शहीद गङ्गालाल राष्ट्रिय हृदयरोग निवारण केन्द्रमा उहाँको एनजिओप्लाष्टि गरिएको थियो ।
उनको उपचारमा अस्पतालका मुटुरोग विषेशज्ञ डाक्टर चन्द्रमणि अधिकारीको टोली खटिएको थियो । अस्पताल भर्ना भएसँगै मुख्यमन्त्री पौडेल सहभागी हुने सार्वजनिक कार्यक्रम एक हप्ताका लागि स्थगित गरिएको थियो ।
प्रतिक्रिया