मुम्बई – भारतको चर्चित शो ‘सास बिना ससुराल’ बाट भारतीय दर्शकमाझ लोकप्रियता कमाएकी कलाकार ऐश्वर्या सखुजा पछिल्लो समय टिभीको दुनियाँबाट गायब छिन् । उनी यसरी गायब हुनुको कारण काम नपाउनु थिएन । बरु ऐश्वर्याले यो ब्रेकको कारण ‘नागिन’, ‘दिव्य दृष्टि’, ‘सितारा’ जस्ता सुपर नेचुरल शो रहेको बताएकी छिन् ।

ऐश्वर्याले एक अन्तर्वार्तामा भनिन्, ‘सुपर नेचुरल शो को ट्रेन्डमा म आफूलाई जोड्न सकिन, मलाई यस्ता शो का लागि अफर आएको थियो, तर मैले यो भूमिकामा कनेक्सन बनाएर बस्न गाह्रो भएको थियो ।’

उनले अगाडि भनिन्, ‘म यो कुरा सम्झन सकिन कि, १२ घण्टा यो शो चल्यो भने यस्तो भूमिका कसरी निभाउन सक्छु ? जुन भूमिकामा म आफू सहमत हुन सकिन, मलाई लाग्छ, सधै टेलिकास्ट गर्नुपर्दा यस्ता सिरियललाई धेरै राम्रो बनाउन पनि समय पाइँदैन ।’

भारतीय टिभी च्यानलमा पछिल्लो समय यस्ता खालका टिभी शोहरु बढी नै आउन थालेका छन् ।