मुम्बई – बलिउड अभिनेता अक्षय कुमार एकपटक फेरि आगोसँग खेल्ने तयारीमा जुटेका छन् । मुम्बईमा एक कार्यक्रमका लागि उनले आगोसँगको स्टन्ट गर्न लागेका हुन् ।

कैयन् फिल्म र ‘शो’ मा पनि खतरनाक स्टन्ट गरिसकेका अक्षय कुमारले टेलिभिजन शो ‘खतरोके खेलाडी ९’ को ग्राण्ड फिनालेमा स्टन्ट गर्नेछन् ।

शोका होस्ट तथा फिल्म निर्माता रोहित सेट्टीले गराउने स्टन्टमा जलिरहेको कारको पछि अक्षयले तीब्र गतिमा ट्रक चलाउनेछन् ।

स्टन्टको एक दृश्य शेयर गर्दै अक्षयले ट्वीटरमा लेखेका छन्, ‘केशरीका लागि यो फ्लेमिङ वीक, खतराको खलाडीका लागि रोहितका साथ वार्मअप गर्दै ।’

मार्च २१ गतेदेखि प्रदर्शनमा आउने फिल्म ‘केशरी’ को प्रचारका लागि अक्षय कुमारले यतिबेला प्रचारमा अनेक उपाय अपनाएका छन् ।