काठमाडौं– सरकारले यस आर्थिक वर्षको बजेटमार्फत खर्च गर्ने योजना बनाएको वैदेशिक सहायता ऋण र अनुदान दुवै घट्ने भएको छ ।

आजको अन्नपूर्ण पोस्टले ‘घट्दै विदेश मुद्रा स्रोत’ शीर्षकमा लेखेको समाचारमा वैदेशिक ऋण ३५.६ र अनुदान ३२ प्रतिशतले घट्ने अनुमान गरिएको उल्लेख छ ।

समाचारमा उल्लेख गरिएअनुसार केही दिन अघि बजेको मध्यावधि समीक्षाका क्रममा अर्थमन्त्री डा. युवराज खतिवडाले बजेटमा खर्च व्यहोर्ने स्रोतका रुपमा अनुमान गरिएको वैदेशिक ऋण र अनुदान क्रमशः ३५.६ र ३२ प्रतिशतले घट्ने अनुमान सार्वजनिक गरेका थिए ।

सरकारले चालू आर्थिक वर्ष २०७५÷७६ मा २ खर्ब ५३ अर्ब वैदेशिक ऋण र ५८ अर्ब रुपैयाँ वैदेशिक अनुदान परिचालन गर्ने बताएको थियो ।