काठमाडौं– नेपालको तीन दिने भ्रमणका क्रममा काठमाडौंमा रहेका चिनियाँ विदेशमन्त्री वाङ यीले सोमबार दिनभर राजनीतिक भेटवार्ता गरे ।

सोमबार दिउँसो परराष्ट्रमन्त्री प्रदीप ज्ञवालीलाई भेटेका वाङले अपरान्ह प्रधानमन्त्री केपी शर्मा ओलीसँग भेटवार्ता गरेको थिए । सोमबार नै राष्ट्रपति विद्यादेवी भण्डारीसँग शिष्टाचार भेटवार्ता गरे । भेटवार्ताका क्रमा नेपाल–चीन सम्बन्धका साथै पारस्परिक हित र चासोका विविध विषयमा विचारविमर्श भएको थियो ।

नेपाल–चीन परराष्ट्रमन्त्री वैठकका क्रममा ३ वटा सम्झौतामा हस्ताक्षर भएको हो । परराष्ट्रमन्त्री प्रदीप ज्ञवाली र नेपाल भ्रमणमा रहेका चिनियाँ विदेशमन्त्री वाङ यीको उपस्थितिमा नेपाल र चीनका अधिकारीहरुले ३ वटा सम्झौतामा हस्ताक्षर गरेका हुन् ।

नेपाल र चीनबीच भएको पहिलो सम्झौताअनुसार चीनले नेपालको मनाङमा अस्पताल बनाउने छ । चीनले करिब ३५ करोड रुपैयाँको लागतमा मनाङमा अस्पताल बनाइदिने भएको हो । यस्तै, अर्को सम्झौता चीनले बाढी प्रभावित नेपालीलाई १ करोड ६० रुपैयाँ सहयोग गर्ने विषयसँग सम्बन्धित छ ।