काठमाडौं– प्रमुख प्रतिपक्षी दल नेपाली कांग्रेसको दोस्रो चरणको राष्ट्रिय जागरण अभियान भोलि (मंगलबार)बाट शुरू हुने भएको छ ।

कांग्रेसको हिमाल,पहाड,तराई–मधेस नेपाली कांग्रेस राष्ट्रिय जागरण अभियान देशब्यापी रूपमा एकसाथ प्रारम्भ हुने भएको हो । अभियानको सुभारम्भ विपि कोइरालाको १०६ औं जन्म जयन्तीको प्रतिक स्वरुप त्यतिनै विरुवा हरेक प्रदेशसभा क्षेत्रमा रोपेर गरिने भएको छ ।

मुलत प्रदेशशभा निर्वाचन क्षेत्रमा केन्द्रीत कार्यक्रमका लागि तोकिएका ३३० प्रतिनिधिहरु विभिन्न स्थानमा पुगे भएका छन् ।

जागरण अभियान क्रममा सामाजिक संवाद, युवा केन्द्रित बिशेष संवाद ,संविधान दिवसका कार्यक्रम, वडा स्तरीय अन्तक्रिया, स्थानीय तहको दुई वर्षे समिक्षा कार्यक्रम, पार्टी प्रवेश कार्यक्रम आदि हुने नेपाली कांग्रेसका प्रवक्ता विश्व प्रकाश शर्माले बताए ।

१५ दिने अभियानको अन्तिम दिन असोज ७ गते ५ मुद्दामा केन्द्रीत रहेर ७७ जिल्लामा एकसाथ प्रदर्शन गरिने कांग्रेसले जनाएको छ ।