काठमाडौं- थुनुवा कक्षको रेलिंग काटेर ३ थुनुवा भागेका छन् । सोमबार मध्यरातमा भैंसेपाटीको प्रहरी कारागारको थुनुवा कक्षमा रहेका ३ जना भागेको महानगरीय प्रहरी कार्यालय रानीपोखरीका प्रवक्ता एसससपी श्याम ज्ञवालीले जानकारी दिए ।

ज्ञवालीले भने -‘३ जना थुनुवा भागेका हुन् । उनीहरुको खोजी कार्य जारी छ।’ ३ थुनुवा भागेपछि अहिले राजधानीमा ठूलो मात्रामा प्रहरी परिचालन गरिएको छ । उनीहरुको खोजी कार्य जारी रहेको प्रहरीले जनाएको छ।

रेलंग तोडेर भाग्नेमध्ये २ जना डाका मुद्दाका र एक जना लागुऔषदसँग सम्बन्धित थुनुवा हुन् । उनीहरुलाई जावालाखेलबाट भैसेपाटी लगिएको थियो । जावालाखेलमा ठाउँ अभावभएपछि भैसेपाटी लगिएका उनीहरु राति नै भागेका हुन् ।

ड्युटी अफिसर मल्ल छानबिनमा

थुनाव एकाएक फरार भएपछि प्रहरी संगठनमा खैलाबैला मच्चिएको छ। उनीहरु फरार भएपछि ड्युटी अफिसर र इन्चार्ज (इनिस्पेक्टर) किरण मल्ल पनि छानबिनको घेरमा परेका छन् । घटनापछि ड्युटी अफिसर र इन्चार्ज (इनिस्पेक्टर) मल्लसहित चार प्रहरीलाई तत्कालै थप अनुसन्धान भइरहेको छ।

गएराति प्रहरी प्रभाग भैंसेपाटीबाट थुनामा रहेका रविन तिमिल्सेना, सम्शेर माझी र रुद्रलाल श्रेष्ठ थुनुवा कक्षको ग्रील तोडेर फरार भएका थिए।