बिबिसी- विश्वकै सबैभन्दा धनी व्यापारी अमेजन डटकमका संस्थापक जेफ बेजोसले आफूमाथि एक म्याग्जिनले ‘ब्ल्याकमेल’ गरेको आरोप लगाएका छन्। नेसनल इन्क्वाएरर म्याग्जिन संचालकले आफ्ना गोप्य तस्बिर छाप्ने धम्की दिँदै ब्ल्याकमेल गरी जबर्जस्ती रकम असुल्न खोजेको आरोप लगाएका हुन्।

बेजोस र उनकी श्रीमती म्याकेन्जीले गत महिना आफूहरूले सम्बन्ध विच्छेद गर्न लागेको बताएका थिए। त्यसलगत्तै म्याग्जिनले बेजोसको विवाहभन्दा बाहिरका सम्बन्धबारे लेख प्रकाशित गरेको थियो।

पछिल्लो आरोपबारे बीबीसीले सोधेको प्रश्नमाथि नेसनल इन्क्वाएरर संस्थापक कम्पनी अमेरिकन मिडिया इन्कर्पोरेटेड (एएमआई) ले कुनै प्रतिक्रिया दिइसकेको छैन।

बेजोसले बिहीबार एक ब्लग प्रकाशित गर्दै एएमआईका वकीलले पठाएका भनिएका इमेल अनलाइन राखिदिएका छन्।

ती इमेलमा बेजोसले सम्बन्ध राखिरहेको भनिएकी एक महिला र उनको अन्तरङ्ग तस्बिर छापिदिने चेतावनी दिइएको उल्लेख गरिएको छ।

बेजोस विश्कै सबैभन्दा धनी व्यक्ति हुन्।

आफूहरूबीच आदानप्रदान भएका गोप्य फोटो नेसनल इन्क्वाएररले कसरी पायो भन्नेबारेको अनुसन्धान नरोकेमा ती तस्बिरहरू सार्वजनिक गरिदिने धम्की एएमआईले दिएको बेजोसले बताएका छन्।
-बीबीसी