काठमाडौं– शुल्क फिर्ताको मागसहित लामो समयदेखि आन्दोलन गर्दै आएका विरगंजको नेशनल मेडिकल कलेजका विद्यार्थीले आन्दोलन स्थगित गरेका छन् ।

कलेज सञ्चालक र आन्दोलनरत विद्यार्थी बीच आज शुल्क फिर्ताको विषयमा ४ बुँदे सहमति भएसँगै विद्यार्थीहरुले आन्दोलनका कार्यक्रम स्थगित गरेका हुन् ।

१० मंसिरमा शिक्षा मन्त्रालयमा भएको सहमति कार्यान्वयनका क्रममा कलेज प्रशासन र आन्दोलनरत विद्यार्थीहरुबीच वार्ता भएको हो ।

वार्तामा कलेज प्रशासनले शैक्षिक वर्ष २०७५/७६ का पहिलो किस्ता र केही अतिरिक्त शुल्क तिरिसकेका विद्यार्थीहरुको विधि परीक्षा, रजिष्ट्रेसन, काउन्सिल रजिस्ट्रेसन , होस्टल र खानाको कटौती गरेर बाँकी रकम आउँदो किस्तामा समायोजन गर्ने सहमति जनाएको छ ।

समायोजनको लिस्ट एक सातामा प्रकाशित गर्नुपर्नेछ । शैक्षिक वर्ष २०७५/७६को हकमा तोकिएको शुल्क बाहेक अरु आजैबाट समायोजन र फिर्ता प्रक्रिया सुरु गर्ने सहमति भएको छ ।

सहमतिको पत्र