काठमाडौं – फिफा विश्वकप २०२२ तथा एएफसी एसियन कप २०२३ छनोट अन्तरगत नेपाल र कुवेतबीचको खेल भुटानमा पनि नहुने भएको छ ।
दशरथ रंगशालामा हुने भनिएको खेल मैदान अयोग्य भन्दै एएफसीले अनुमती नदिएपछि अखिल नेपाल फुटबल संघ (एन्फा) ले भुटानमा गर्ने प्रस्ताव गरेको थियो ।
तर, कुवेतले भुटानमा खेल्न आफुलाई अफ्ठ्यारो हुने भनेपछि शुक्रबार एसियन फुटबल फेडेरेसन (एएफसी) पुन अर्को तटस्थ भूमि खोज्न एन्फालाई पत्र पठाएको छ ।
एन्फा स्रोतका अनुसार एएफसीले भुटानभन्दा अर्को स्थान छान्न आग्रह गरेको छ ।
अब एन्फाले भारतको कुनै रंगशालामा गर्ने गरि प्रस्ताव गर्ने योजना बनाएको छ ।
समूह बि मा रहेको नेपालले मंसिर ३ गते कुवेतसँग खेल्नेछ ।
प्रतिक्रिया