भक्तपुर– भक्तपुरको सूर्यविनायकमा आज बिहान भएको सवारी दुर्घटनामा एक जनाको मृत्यु भएको छ ।

सूर्यविनाय–८, भातेढिकुरमा मिनी बसले मोटरसाइकललाई ठक्कर दिँदा मोटरसाइकलमा सवार एक जनाको मृत्यु भएको प्रहरीले जनाएको छ ।

रामेछाप लिखु गाउँपालिका–४ घर भइ हाल भक्तपुर सूर्यविनायक–९ नलिञ्चोक बस्ने ३५ वर्षीय रामबहादुर भुजेलले दुर्घटनमा मृत्यु भएको प्रहरीले जनाएको छ ।

काठमाडौँबाट बनेपातर्फ जाँदै गरेको बा ५ ख ४३६७ नम्बरको मिनी बसले विपरीत दिशाबाट आउँदै गरेको बा २४ प २७४० नम्बरको मोटरसाइकलर्लाइ ठक्कर दिँदा दुर्घटना भएको हो ।

दुर्घटनामा मोटरसाइकल चालक सिन्धुपाल्चोक त्रिपुरासुन्दरी गाउँपालिका ३ घर भई हाल नलिञ्चोक बस्ने २९ वर्षीय अर्जुन थामी घाइते भएका छन् । उनको ग्राण्डी अस्पतालमा उपचार भइरहेको छ ।