नयाँ दिल्ली– नोबेल पुरस्कार विजेता पाकिस्तानी अभियानकर्मी मलाला युसुफजाईले जम्मू कश्मीरको शान्तिपूर्ण समाधान खोज्न आह्वान गरेकी छिन् ।
उनले ट्वीट गर्दै आफू र आफ्ना आमाबाबु बच्चा हुँदा र आफ्ना हजुरबुबा, हजुरआमा युवा हुँदादेखि नै कश्मीरी जनता द्वन्द्वमा बाँचिरहेको टिप्पणी गरेकी हुन् ।
‘हामीबीच जस्तोसुकै मतभिन्नता रहेपनि हामीले मानव अधिकारको सम्मान, बालबालिकाको सुरक्षालाई प्राथमिकता र ७ दशक लामो द्वन्द्वको शान्तिपूर्ण समाधान खोज्नुपर्छ’ उनले ट्वीटरमा लेखेकी छिन् ।
भारतले जम्मू कश्मीरलाई दिएको विशेष राज्यको मान्यता खारेज गरेपछि उत्पन्न परिस्थीतीबारे मलाला युसुफजाईको पछिल्लो टिप्पणी सार्वजनिक भएको हो ।
प्रतिक्रिया