काठमाडौं – यु–१८ साफ च्याम्पियनसिपको खेल तालिका सार्वजनिक भएको छ । बिहीबार सार्वजनिक भएको खेल तालिकाअनुसार नेपाली युवा टोलीले उद्घाटन खेलमा पाकिस्तानसँग खेल्नेछ ।

काठमाडौंमा हुने प्रतियोगिता आगामी असोज ३ देखि १२ गतेसम्म सञ्चालन हुनेछ ।

प्रतियोगितामा नेपालसहित भुटान पाकिस्तान, माल्दिभ्स, बंगलादेश, श्रीलंका र भारत रहेका छन् । ७ टोलीलाई २ समूहमा बिभाजित गरिएको छ । जसमा नेपालसहित पाकिस्तान, भुटान र माल्दिभ्स समूह ‘ए’ मा रहँदा भारत, बंगलादेश र श्रीलंका समूह ‘बी’ मा रहेका छन् ।

प्रतियोगिताको पहिलो खेल पाकिस्तानसँग खेल्ने नेपाली टोलीले दोस्रो खेल असोज ५ मा माल्दिभ्ससँग र असोज ७ गते समूह चरणको अन्तिम खेल भुटानसँग खेल्ने तालिका रहेको छ ।

प्रतियोगिता हलचोकस्थित शसस्त्र प्रहरी बलको हल्चोक मैदानमा हुनेछ । यु–१८ नेपाली युवा टाेली अहिले अभ्यासमा रहेको छ ।