बर्दघाट– नवलपरासीपूर्वको विनयी त्रिवेणी गाउँपालिका–७ स्थित नारायणी नदीमा छोरा–छोरीसहित हाम फोलेकी महिलाको उद्दार गरिएको छ ।

उनका १ छोरा र १ छोरीको भने ज्यान गएको छ । नवलपरासीपश्चिम पाल्हिनन्दन गाउँपालिका–५ घर भएकी २४ सुधा विश्वाकर्माले छोरा–छोरीसहित नवलपरासीपूर्वको विनयी त्रिवेणी गाउँपालिका–७ स्थित ब्यारेजको पुलबाट नारायणी नदीमा हाम फोलेकी थिइन् ।

सुधाले २ वर्ष ६ महिनाका छोरा अभिनाथ र डेढ महिनाकी छोरी निकितासँगै नारायणीमा हाम फालेकी थिइन् ।

नदीमा हाम फालेकी सुधालाई स्थानीयले उद्दार गरे पनि उनका छोरा अभिनाथ र छोरी निकिताको भने ज्यान गएको प्रहरीले जनाएको छ ।

जिल्ला प्रहरी कार्यालय नवलपरासीपूर्वले अहिले सुधालाई नियन्त्रणमा लिएको जनाएको छ ।

प्रहरीका अनुसार सुधाका श्रीमान् नेपाल प्रहरीमा कार्यरत छन् । हाल उनका श्रीमान प्रहरी युक्ती तालिम महाविद्यालय जर्गाहा, नवलपरासीमा कार्यरत रहेका बुझिएको छ ।