नयाँ दिल्ली– भारतीय राज्य उत्तर प्रदेशको यमुना एक्सप्रेसवे (राजमार्ग)मा सोमबार विहान एक यात्रु बस दुर्घटना हुँदा २९ जनाको मृत्यु भएको छ ।
उत्तर प्रदेशको राजधानी लखनउबाट संघीय राजधानी नयाँ दिल्लीतर्फ आइरहेको बस दुर्घटनामा अन्य १७ जना यात्रु घाइते भएका छन् ।
प्रहरीका अनुसार लखनउबाट दिल्लीका लागि हिँडेको अवध डिपोको बस आगराको झरना नालामा खसेको हो । बसमा ५० जनाभन्दा बढी यात्रु सवार रहेका जनाइएको छ ।
दुर्घटनामा घाइते भएकाहरुको स्थानीय अस्पतालमा उपचार भइरहेको छ ।
घटनापछि उत्तर प्रदेश परिवहन निगमले दुर्घटनामा ज्यान गुमाएका परिवारलाई प्रतिव्यक्ति ५ लाख रुपैयाँका दरले क्षतिपूर्ति दिने घोषणा गरेको छ ।
प्रतिक्रिया