काठमाडौं–प्रधानमन्त्रीका प्रमुख राजनीतिक सल्लाहकार विष्णु रिमालले आइतबार विहान गरेको एउटा ट्वीटले नेकपामा चर्को बहस चलेको छ ।
प्रधानमन्त्रीका प्रमुख सल्लाहकार रहेका रिमालले ट्वीटमा लेखेका थिए– भनिन्छ, छौंडाहरू आफैं चलमलाउँदैनन् कसैले छोड्छन्, दुस्ख दिन्छन् १ यी छौंडाहरू आफैं चलमलाएका हुन् की कसैले छोडेका ?
उनको यो ट्वीटलाई लिएर आइतबार देखि नै सामाजिक सञ्जाल निकै गर्माएको छ । राजनीतिक सल्लाहकारको भाषादेखि उनले कसलाई इंगित गर्न खोजेको भन्दै बहस निकै चलेको छ ।
यसै सन्दर्भमा नेकपाकी सांसदसमेत रहेकी केन्द्रीय सदस्य रामकुमारी झाक्रीले प्रधानमन्त्रीका राजनीतिक सल्लाहकार रिमाललाई सामाजिक सञ्जालमार्फत नै कडा जवाफ फर्काएकी छिन् ।
ट्वीटमा उनले राज्यसत्ताको केन्द्रमा रहने व्यक्तिको रुपमा यो (विष्णु रिमालको) ट्वीट उत्कृष्ठ ट्वीट भएको बताएकी छिन् । यो ट्वीट सत्ताको सामाजिक चरित्रको ऐना भएको उनको भनाइ छ ।
ट्वीटमा झाक्रीले प्रश्न गरेकी छिन् सत्ता कसरी कता जाँदैछ ? यो सत्ता र उन्माद कस्तो हुन्छ भनेर आज सम्झदै गरेको उनले ट्वीटमा उल्लेख गरेकी छिन् ।
यस्तो छ उनको ट्वीट
राज्यसत्ताको केन्द्रमा रहेका ब्यक्तिको रूपमा यो उत्कृष्ठ ट्वीट हो। यो ट्वीट सत्ताको सामाजिक चरित्रको ऐना हो । सत्ता कसरी कता जादैछ? अनुमान लगाउन लोकलाई गार्हो पर्ने छैन अब ।
धेरै पहिले एउटा लोककथा पढेको थिएँ:
The Empreror’s New Clothes
आज संझदैछु,सत्ता र उन्माद कस्तो हुन्छ भनेर? https://t.co/drfpjsn6XU— Ram kumari Jhakri (@Jhakri_didi) July 8, 2019
रिमालले गरेको ट्वीटमा प्रतिक्रिया जनाउने अधिकांशले रिमाललाई कडा जवाफ दिएका छन् ।
भनिन्छ, छौंडाहरू
आफैं चलमलाउँदैनन्
कसैले छोड्छन्,
दु:ख दिन्छन् !
यी छौंडाहरू
आफैं चलमलाएका हुन् की
कसैले छोडेका?— Bishnu Rimal (@BishnuRimal) July 7, 2019
प्रतिक्रिया