काठमाडौं- ओमानमा जारी पाँच राष्ट्रबीचको पाँच देशीय टी–ट्वान्टी क्रिकेट सिरिज अन्तर्गत आजको खेलमा नेपालले १३४ रनको लक्ष्य पाएको छ ।

टस हारेर व्याटिङ गरेको नेदरल्याण्डले १९ ओभर २ बलमा सबै विकेट गुमाएर १३३ रन बनाउन सफल भयो ।

अल अम्रेट क्रिकेट मैदानमा भएको खेलमा नेदरल्याण्डका लागि म्याक्सवेल प्याट्रिक ओ’ डोडले सर्वाधिक ४३ रन बनाए । यस्तै कोलिन एकेर्मानले २९ तथा एण्टोनियस स्टलले २१ रन बनाए ।

नेपालका सन्दीप लामिछानेले ४ ओभरमा मात्र २० रन खर्चेर ४ विकेट हात पारे । यस्तै करण केसीले ३ ओभर ३ बलमा १७ रन खर्चेर ४ विकेट लिए । ललित नारायण राजवंशीले १ विकेट लिए ।

आज नेपाल लगातार दोस्रो जितको खोजीमा छ । पहिलो खेलमा नेपालले हङकङलाई ४ विकेटले हराएको थियो ।

यता, नेदरल्याण्ड पहिलो जितको खोजीमा छ । नेदरल्याण्ड पहिलो खेलमा आयरल्याण्डसँग पराजित भएको थियो ।