डडेल्धुरा– प्रहरीले लागूऔषध चरेससहित दुई जना पक्राउ गरेको छ ।
डडेल्धुराको अमरगढी नगरपालिका वडा नम्बर ७ भाटगाउँका २६ वर्षीय शेरबहादुर भण्डारी र वडा नम्बर ६ भालुमारेका ३८ वर्षीय बीरबहादुर वोहरालाई प्रहरीले लागूऔषधसहित पक्राउ गरेको हो ।
लागूऔषध नियन्त्रण अभियान र दशैं तिहार सुरक्षा योजनाअनुरुप परिचालित प्रहरी टोलीले उनीहरुलाई पक्राउ गरेको हो ।
दशरथचन्द्र राजमार्ग अमरगढी ७ मा भण्डारीले चलाएको से ३ प ४५३१ मोटरसाइकल चेकजाँचका क्रममा भण्डारीको झोलाबाट सात सय ग्राम चरेस फेला परेको प्रहरी नायव निरीक्षक दधिराम न्यौपानेले जानकारी दिए ।
पक्राउ परेका उनीहरुलाई थप अनुसन्धानका लागि हिरासतमा राखिएको छ ।
प्रतिक्रिया