काठमाडौं– नेपाल वायुसेवा निगमको वर्तमान अवस्था, समस्याहरु र सुधारको उपाय पहिचान गरी ठोस सुझाव दिन समिति गठन भएको छ ।
संस्कृति पर्यटन तथा नागरिक उड्डयन मन्त्रालयले मन्त्री स्तरीय निर्णय गर्दै नेपाल वायुसेवा निगम सुधार सुझाव कार्यदल गठन गरेको हो ।
नेपाल सरकारका पूर्व सचिव सुशिल घिमिरेको संयोजकत्वमा गठित कार्यदलमा सुवोध कुमार कर्ण, डिम प्रसाद पौडेल सुधीर संशेर राई र बुद्धिसागर लामिछाने रहेका छन् ।
कार्यदलले निम्नानुसार कार्यजिम्मेवारी पाएको छ ।
नेपाल वायुसेवा निगमको समग्र सुधारका लागि हालसम्म भएका विभिन्न अध्ययन प्रतिवेदनको विश्लेषण गर्ने ।
नेपाल वायुसेवा निगमको वर्तमान वित्तीय अवस्थाको अध्ययन गर्ने ।
निगमको कानूनी, संस्थागत, संगठनात्मक, व्यवस्थापकीय एवम् व्यवसायिक क्षमतामा रहेका समस्याहरु पहिचान तथा विश्लेषण गर्ने ।
उल्लेखित सबै पक्षहरुमा गर्नुपर्ने तत्कालिन र दीर्घकालीन सुधारहरुको समयबद्ध ठोस कार्ययोजना पेश गर्ने ।
निगमको सुधारका लागि कार्यदलले उपयुक्त देखेका अन्य सुझावहरु दिन सक्ने ।
प्रतिक्रिया