एजेन्सी– बलिउडकी आइटम गर्ल राखी सावन्तले अन्ततः आफूले गोप्यरुपमा विवाह गरेको स्वीकारेकी छिन् ।

४० वर्षीया सावन्तले यसअघि आफ्नो विवाह भएको कुरा अस्वीकार गर्दै आएकी थिइन् । उनका श्रीमानको नाम रितेश हो । उनी युरोपमा बस्ने गरेको उनले बताएकी छिन् ।

स्पटबोयलाई दिएको अन्तर्वार्तामा राखीले आफू आमा बन्नमा कुनै हतार नभएको बताएकी छिन् । उनले भनिन्, ‘म सन् २०२० मा आमा बन्ने सोचमा छु ।’ आफ्नो विवाहपछि राखी निकै उत्साहित छिन् ।

उनले विवाहित महिलाको गेटअपमा विभिन्न तस्बिर सेयर गरेकी छिन् । यी तस्बिर निकै चर्चित पनि भइरहेको छ ।

राखीले भनेकी छिन्, सबैभन्दा पहिले यो भन्न चाहन्छु कि तपाईंहरुले सही जानकारी पाउनुभएको छ कि मेरा श्रीमान् एनआरआई हुन् । मेरा श्रीमानको नाम रितेश हो र उनी यूकेमा छन् । मेरो भिसा प्रोसेस चलिरहेको छ र म पनि उनलाई यूकेमा जोइन गर्नेछु ।’

अन्तरवार्तामा उनले रितेशसँगको भेटका बारेमा पनि खुलाएकी छिन् । रितेश आफ्नो प्रशंसक भएको र करिव एक वर्ष यता ह्वाट्सएपमा कुराकानी हुने गरेको जनाएकी छिन् ।