काठमाडौं- भारतले क्यारेबियन टोली वेष्ट इन्डिजविरुद्धको तीन खेलको टि–ट्वान्टी शृङ्खला ‘क्लिन स्वीप’ गरेको छ । शृङ्खलाको अन्तिम खेलमा भारतले वेस्ट ईन्डिजलाई ७ विकेटले हराउँदै उपाधि हात पार्यो ।

गुएना नेशनल स्टेडियममा भएको खेलमा टस हारेर पहिलो ब्याटिङ गरेको वेष्ट इन्डिजले भारतलाई १ सय ४७ रनको सामान्य लक्ष्य प्रस्तुत गरेको थियो । १ सय ४७ रनको लक्ष्य भ्रमणकारी टोली भारतले ५ बल बाँकी छँदै ३ विकेट गुमाएर पुरा गर्यो । भारतका लागि ऋषभ पन्तले नटआउट ६५ रन प्रहार गर्दै भारतलाई जित दिलाए । यस्तै, कप्तान विराट कोहलीले ५९ रन, के एल राहुल २० रन बनाए ।

भारतविरुद्ध वेस्ट ईन्डिजका ओशेन थोमसले सर्वाधिक २ विकेट लिएका थिए । टस हारेर पहिलो ब्याटिङ गरेको सुरुवाती ब्याटिङ गरेको वेस्ट ईन्डिजले ६ विकेट गुमाएर १ सय ४६ रन बनाएको थियो । इन्डिजका लागि किरोन पोलार्डले ५८ रन बनाउनु बाहेक अन्य खेलाडीले खासै गतिलो रन जोड्न सकेनन् ।

रोभमन पोवेलले नटआउट ३२ रन बनाएका थिए । भारतका दिपक चाहरले सर्वाधिक ३ विकेट लिएका थिए । वेस्ट ईन्डिज भ्रमणमा रहेको भारतले तीन म्याचको टी–ट्वान्टी र तीन म्याचको वन डे सिरिज खेल्नेछ । त्यस्तै दुई म्याचको टेष्ट सिरिज समेत खेल्नेछ ।