काठमाडौं– विप्लव नेतृत्वको नेपाल कम्युनिस्ट पार्टीले आज असार २२ गते नेपाल बन्दको आह्वान गरेको कुरा हल्ला मात्रै भएको जनाएको छ।

भ्रष्टाचार, महंगी, बलत्कारी, तस्करी र गुण्डागर्दीको भण्डाफोर गरी सम्पूर्ण राजबन्दी रिहाईको माग गर्दै विप्लव नेकपाले आज नेपाल बन्दको घोषणा गरेको समाचार विभिन्न सञ्चारमाध्यममा आएका भए पनि यो हल्ला मात्रै भएको प्रहरीले जनाएको हो ।

सरकारले देशका लागि एउटा पनि राम्रो काम नगरेको भन्दै असार २२ गते बन्दको घोषणा गरिएको एउटा विज्ञप्ती समेत बाहिरिएको थियो । नेपाल प्रहरीले त्यो विज्ञप्ती नक्कली भएको दाबी गरेको छ । प्रहरीले बन्दको आधिकारिक जानकारी नभएको भन्दै त्यो हल्ला निराधार भएको जनाएको छ ।

‘२२ गते पार्टीले कुनै बन्दको कार्यक्रम आयोजना गरेको छैन तर विभिन्न सञ्चारमाध्यममा बिनातथ्य बन्द भन्दै प्रचारप्रसार गरिएको पाइयो, यो गलत हो’ नेकपाले समेत भनेको थियो।