काठमाडौं– आईसीसी विश्वकप क्रिकेटमा आज (शुक्रबार) दुई एसियाली टोलीहरुले प्रतिस्पर्धा गर्दैछन् । इङ्ग्ल्याण्डको बिस्ट्रोल ग्राउण्डमा हुने खेलमा एसियाली टोली पाकिस्तान र श्रीलंकाले प्रतिस्पर्धा गर्दैछन् ।

यसअघि समान दुई–दुई खेल खेलेका पाकिस्तान र श्रीलंकाले एक खेलमा हार र एक खेलमा जीत हात पारेका छन् । दुवै टोलीले विश्वकपको आफ्नो पहिलो खेलमा हार व्यहोरेका थिए भने दोस्रो खेलमा लय समात्न सफल भएका थिए ।

पाकिस्तान ब्रिस्टोलमा श्रीलंकालाई रोक्दै आफ्नो विजयी यात्रा कायम राख्ने योजनामा रहेको छ भने श्रीलंका पनि जीतको खोजीमा हुने छ ।

पाकिस्तान प्रतियोगिताको दोस्रो खेलमा घरेलु टोलीलाई पराजित गर्दै खेलमा फर्किएको थियो । त्यस्तै, श्रीलंकाले युवा टोली अफगानिस्तानलाई पराजित गरेको थियो ।

पाकिस्तानले यसअघि खेलेका ५ एकदिवसीय अन्तर्राष्ट्रिय खेलमध्ये १ मात्रै जीत्न सकेको छ भने श्रीलंकाले खेलेका ५ खेलमा २ मा जीथत र ३ खेलमा हार व्यहोरेको छ ।