काठमाडौं – फिल्म ‘जानी नजानी’ युनिटले फिल्मको गीत ‘एउटीलाई मुटुमा घर’ को कभर भिडियो प्रतियोगिता गराउने घोषणा गरेको छ । फिल्म युनिटले बिहीवार काठमाडौंमा औपचारिक कार्यक्रममा गरेर पत्रकारमाझ प्रतियोगिताको जानकारी दियो ।

गीतको भिडियो कम्तिमा एक मिनेटदेखि चार मिनेटसम्म हुनेपर्ने निर्माण टिमले जानकारी गराएको छ । उत्कृष्ट हुनेलाई ३२ इन्चको टिभी प्रदान गरिने, त्यस्तै दोस्रो हुनेले एउटा साउण्ड सिस्टम पाउने र तेस्रो हुने दुई जनाले कार्टुन क्रुज टिमसँग तीन महिनाको नृत्य प्रशिक्षण र चौथोलाई कान्तिपुर फिल्म एकेडेमीमा एक वर्षको फिल्म डिप्लोमा कोर्ष निशुल्क पढ्न पाउनेछन् ।

अर्जुन पोखरेलको संगीत रहेको यो गीतमा अम्बिका शर्माका शब्द छन् । गीतमा सुमी मोक्तानले नाचेकी छिन् भने कोरियोग्राफी कविराज गहतराजको छ ।

निर्देशक बसन्त अधिकारका अनुसार भिडियो आउँदो २० फागुनभित्र वबलष्लबवबलष्द्दण्ज्ञड२नmबष्।िअयm मा पठाउनुपर्नेछ ।