कास्की- पोखरा विमानस्थलमा हेली एयर नेपालको (लाइट हेलिकोप्टर) जाइरोकप्टर अवतरणका क्रममा दुर्घटनामा परेको छ । मंगलबार दिउँसो अवतरणका क्रममा नाइनएन एएमके कल साइनको जाइरोकप्टर विमानस्थलको रन वेबाट चिप्लिएर दुर्घटनामा परेको हो ।

दिउँसो १ः४५ मा फ्रान्सेली पाइलट एरिकले यात्रु अनिश भट्टचनलाई राखेर उडाएका थिए । जाइरोकप्टर उत्तरी भेगबाट अवतरण गर्ने क्रममा चिप्लिएर दक्षिणी भागको तारबारमा पुगेको थियो ।

दुर्घटनामा परी जाइरोकप्टरको दुबै पंखा भाच्चिएको छ भने अगाडिको सिसा फुटेको छ । पाइलट र यात्रु सकुशल रहेको नागरिक उड्डयन प्राधिकरण पोखरा कार्यालयले जानकारी दिएको छ ।

जाइरोकप्टरले स्वदेशी तथा विदेशी पर्यटकलाई पोखरालगायतको क्षेत्रको दृष्यावलोकन गराउँदै आएको छ ।