एजेन्सी- लिभरपुलका फरवार्ड मोहम्मद सलाहलाई चोट लागेपछि बार्सिलोनाविरुद्द च्याम्पियन्सलिग सेमिफाइनलको दोस्रो लेग गुमाउने भएका छन्।

शनिबार राति प्रिमियर लिगको खेलमा न्युक्सलविरुद्वक घाइते भएका उनी लिभरपुलको महत्त्वपूर्ण खेलमा टिम बाहिर रहने भएका हुन्।

पहिलो लेगमा बार्सिलोनासँग ३-० ले हारेको लिभरपुलका लागि सलाह टिममा नभएपछि जित निकाल्न कठिन देखिन्छ तरपनि प्रशिक्षक योर्गन क्लोपले आफ्नो टिमले ४-० को जित निकाल्ने विश्वास व्यक्त गरेका छन्।

उनले भने,`यो निकै असहज परिस्थिति हो । हामी विश्व फुटबलका दुई स्टार खेलाडी टिममा नहुँदा पनि ४-० गोल अन्तरको नतिजा निकाल्छौ। गएको शनिबार प्रिमियर लिगमा न्युक्यासल विरुद्व ३-२ को जित हात पार्दा सलाहले एक गोल गरेका थिए।

घाइते भएपछि उनलाई स्ट्रेचरमा मैदान बाहिर ल्याइएको थियो त्यस्तै, फिर्मिनोले मसल इन्जुरीका कारण न्युक्यासल विरुद्वको खेल पनि गुमाएका थिए ।

बार्सिलोना र लिभरपुल मंगलबार खेल्नेछन्। जित हात पार्ने टोली फाइनल प्रवेश गर्नेछ।