काठमाडौं– रोमेलु लुकाकुले दुई तथा मार्कुस रासर्फोडले एक गोल गर्दा फ्रान्सेली महारथी पेरिस सेन्ट जर्मन (पीएसजी) म्यानचेस्टर युनाइटेडसँग पराजित भएको छ ।

च्याम्पियन्स लिगको अन्तिम १६ को दोस्रो लेगमा पीएसजी इङ्ग्लीस क्लब म्यानचेस्टर युनाइटेडसँग ३—१ गोल अन्तरले पराजित भएको हो ।

पीएसजीको घरेलु मैदानमा युनाइटेडका युवा खेलाडी लुकाकु र रासफोर्डले गोल गर्दै टिमलाई क्वाटरफाइनलसम्म पुर्याए । ओले गनर सोल्सायरका तर्फबाट लुकाकुले खेलको दोस्रो मिनेटमै पाएको गोल अवसरलाई गोलमा परिणत गर्दै टिमलाई अग्रता दिलाए । केहीमिनेटको अग्रतालाई पीएसजीका युआन बेनार्टीले खेलको १२ औं मिनेटमा पहिलो गोल गर्दै युनाइटेडविरुद्ध खेल बराबरीमा पुर्याएका थिए ।

१—१ गोलको बराबरीमा रहेको खेलमा युनाइटेडका लुकाकुले व्यक्तिगत दोस्रो गोल गर्दै ३० औं मिनेटमा खेल २—१ को अवस्थामा पुर्याएका थिए । पहिलो हाफमा २—१ को अवस्थामा रहेको खेलमा रासफोर्डले खेलको अतिरिक्त समयमा गोल गर्दै पीएसजीविरुद्ध टिमलाई ३—१ को जीत दिलाए ।

पीएसजीका लागि युवा स्टार एमबाप्पे र इडिन्सन काभानीले फरवार्ड लाइन सम्हालेपनि गोल गर्न नसक्दा यो सिजनको च्याम्पियन्स लिगको यात्रामा बिराम लागेको छ ।