काठमाडौं–नेपाल कम्युनिस्ट पार्टी (नेकपा)का दिवंगत नेताद्वय भरतमोहन अधिकारी र रवीन्द्र अधिकारीको सम्झनामा आज (बिहीबार) श्रद्धाञ्जलीसभा हुँदैछ ।

उपचारका क्रममा निधन भएका पूर्व उपप्रधान तथा अर्थमन्त्री भरतमोहन अधिकारी तथा संस्कृति, पर्यटन तथा नागरिक उड्डयनमन्त्री रवीन्द्र अधिकारीको सम्झनामा दिउँसो १ बजेपछि श्रद्धाञ्जलीसभा कार्यक्रम हुने नेकपा सचिवालयले जनाएको छ ।

भृकुटीमण्डवमा हुने श्रद्धाञ्जलीसभालाई नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले सम्बोधन गर्नेछन् ।

श्रद्धाञ्जलीसभामा प्रदेश ३ र उपत्यकाका तीन जिल्ला काठमाडौं, भक्तपुर र ललितपुरका पार्टी पंक्तिलाई परिचालन गरिने नेकपाका कार्यालय सचिव कृष्णगोपाल श्रेष्ठले जानकारी दिए ।