काठमाडौं- श्रीलंकामा जारी एसियन क्रिकेट काउन्सिल एसीसी यू–१९ एसिया कप क्रिकेटमा घरेलु टोलीविरुद्व नेपालले टस जितेको छ । टस जितेको नेपालले श्रीलंकाविरुद्ध व्याटिङ गर्ने निर्णय गरेको छ ।

आर प्रेमादशा अन्तर्राष्ट्रिय क्रिकेट मैदानमा हुने खेलमा जीत निकाल्ने लक्ष्यसहित मैदान उत्रँदैछ ।

टेष्ट राष्ट्रविरुद्वको खेल नेपालका लागि कठिननै हुनेछ । यू–१९ एसिया कपमा नेपालले टेष्ट राष्ट्रलाई हराएको ईतिहास छ । सन् २०१७ मा नेपालले भारतलाई समुह चरणमा १९ रनले हराएके थियो । नेपालले श्रीलंकालाई अहिलेसम्म हराउन सकेको छैन ।

८ टोली सहभागी एसिया कप क्रिकेटमा नेपाल समूह ‘बी’ मा छ । नेपालले टेस्ट राष्ट्र श्रीलंका, बंगलादेशसहित युनाइटेड अरब इमिरेट्ससँग प्रतिस्पर्धा गर्नु पर्नेछ । दुई समूहका शीर्ष २ टोली अन्तिम ४ मा पुग्नेछन् । त्यसका लागि नेपालले कम्तिमा दुई खेलमा जित्नुपर्ने हुन्छ ।