नयाँ दिल्ली– जम्मु कश्मीरलाई केन्द्र शासित दुई प्रदेशमा विभाजित गर्ने विधेयक भारतका दुई वटै सदनबाट पारित भएको छ ।
सोमबार केन्द्रीय संसदको माथिल्लो सदन राज्य सभाबाट पारित भएको विधेयक मंगलबार तल्लो सदन लोक सभाबाट पनि पारित भएको छ ।
गृहमन्त्री अमित शाहले मंगलबार लोक सभामा पेश गरेको विधेयकको पक्षमा ३ सय ६६ र विपक्षमा ६६ मत परे ।
यसका अतिरिक्त भारतीय संविधानको धारा ३७० निलम्बन गर्ने प्रस्ताव पनि पारित भएको छ ।
लोक सभाबाट विधेयक पारित भएसँगै अब जम्मु कश्मीर २ अलग केन्द्र शासित राज्यभा विभाजित भएको छ । जम्मु र लद्दाक अब २ छुट्टा छुट्टै केन्द्र शासित राज्यका रुपमा रहनेछन् ।
प्रतिक्रिया