काठमाडौं– एम्. भि. दुगड ग्रुपका कर्मचारीहरुले दुगड ग्रुपका अध्यक्ष मोतीलाल दुगड र उनकी धर्मपत्नी सरोज दुगडको ५० औं वैवाहिक स्वर्ण जयन्ती भव्य रुपमा मनाएका छन् ।

काठमाडौंको ह्यात होटेलमा आयोजना गरिएको विवाह स्वर्ण जयन्ती कार्यक्रममा कर्मचारीहरुले दम्पत्तीलाई बग्गी सवार गराई वरमाला सहित पुनः विवाहको कार्यक्रम सम्पन्न गरेका हुन् ।

दौरासुरुवाल तथा ढाँका टोपीमा सजिएका उनीहरुले पञ्चबाजा तथा ब्याण्डबजासहित सांस्कृतिक कार्यक्रम आयोजना गरी उपस्थितहरुलाई भरपूर मनोरञ्जन प्रदान गरेका थिए ।

कार्यक्रममा दुगड ग्रुपका अध्यक्ष मोतीलाल दुगडले कर्मचारीबाट पाएको माया र सम्मानले आफूलाई भावूक बनाएको बतए । उनले कर्मचारीहरुमा रहेको प्रतिभाले आफूलाई गौरवान्वित बनाएको बताए ।

उपाध्यक्ष विवेक दुगडले आफ्ना बुबा–आमाप्रति दुगड ग्रुपका कर्मचारीहरुले देखाएको सम्मानको खुलेर तारिफ गरे ।