काठमाडौं-ब्राजिलका फरवार्ड नेयमार राष्ट्रिय टोलीबाट बाहिरिएका छन् । कतारविरुद्धको कोपा अमेरिकाको सेमिफाइनल खेलमा  घाइते भएपछि नेयमार टोलीबाट बाहिरिएका हुन् ।

मैदानबाटै अस्पताल लगिएका नेयमारले अब कोपा अमेरिका नखेल्ने ब्राजिल फुटबलले जनाएको छ । उनी खेल शुरु भएको २१ औ मिनेटमा मैदानमै लडेपछि मैदानबाट बाहिरिएका थिए ।

उनको दाहिने खुट्टाको लिगामेन्टमा गम्भीर समस्या देखिएको उपचारमा संलग्न चिकित्सकले बताएका छन् । अवस्था गम्भिर भएपछि उनले महादेशीय प्रतियोगिता गुमाउने पक्का भएको हो ।

गम्भीर चोटका कारण उनको शारीरिक अवस्था ठीक नभएको र निको हुन आवश्यक समयसमेत नभएकाले उनले कोपा अमेरिका गुमाउने फुटबल महासंघले जनाएको छ । मैत्रीपुर्ण खेलमा ब्राजिलले एसियन च्याम्पियन कतारलाई २–० ले हराएको थियो ।

कोपा अमेरिकाको तयारीमा रहेको ब्राजिलले कतारविरुद्व सहज जीत निकालेको हो ।