काठमाडौं– अन्तर्राष्ट्रिय मैत्रिपूर्ण फुटबल अन्तरगत दोस्रो खेलमा आज (बिहीबार) नेपाली राष्ट्रिय फुटबल टोलीले चाईनिज ताईपेइसँग खेल्दैछ ।
खेल नेपाली समयानुसार अपरान्ह ४ बजेर ४५ मा शुरु हुनेछ । मैत्रीपूर्ण खेलका नेपाली टोली २ दिन अगाडि नै ताइपेइ पुगिसकेको छ ।

विश्वकप फुटबलको छनोट खेलको अभ्यास खेलका रुपमा नेपाली टोली मैत्रीपूर्ण खेलका लागि ताईपेइ पुगेको हो । यसअघि गएको आईतबार नेपालले मलेसियासँग मैत्रीपूर्ण फुटबल खेलेको थियो । उक्त खेलमा नेपाल २–० ले मलेसियासँग पराजित भएको थियो ।

नेपाली टोलीको मुख्य प्रशिक्षकमा स्वीडिस नागरीक योहान कालिन रहेका छन् । उनको नेतृत्वमा नेपालले यसअघि पनि कुवेतसँग मैत्रीपूर्ण खेल खेलिसकेको छ । फिफा वरियतामा नेपालभन्दा चाइनिज ताईपेइ निकै माथि रहेको छ । फिफा वरियतामा ताईपे १ सय २५ औँ स्थानमा रहँदा नेपाल १ सय ६१ औँ स्थानमा छ ।

बुधबार सञ्चारकर्मीहरुसँग बोल्दै कालिनले भनेका छन्, ‘हामीसँग बलियो युवा टोली छ । राम्रो सुरुवात गर्ने अपेक्षा गरेका छौँ । खेल निकै प्रतिस्पर्धात्मक हुने आशा छ । यो हाम्रो लागि निकै राम्रो अनुभव हुनेछ । अपेक्षा छ, हामी यसलाई पार गर्न सक्नेछौँ