आज माग २३ गते बुधबार । आज प्रकाशित अन्नपूर्ण पोस्ट दैनिकमा बेरी बालुवाटारमा, नगदे उखु, उधारो व्यवस्था, यात्रु उतारेर रुद्राक्ष शीर्षकका समाचारलाई पहिलो पृष्ठमा प्रकाशन भएको छ ।

अन्नपूर्णले उखु किसानले उधारोमै उखु बिक्री गर्नु परेको र भुक्तानी वर्षदिनसम्म पनि नपाएको समाचारलाई मुख्य समाचार बनाएको छ भने अमेरिकी राजदूत र्‍यान्डी बेरी प्रधानमन्त्री केपी ओलीलाई भेट गर्न बालुवाटार पुगेको समाचारलाई प्रकाशन गरेको छ ।

प्रधानमन्त्री ओली र अमेरिकी राजदूत बेरीबीच नेपाल अमेरिका सम्बन्ध र पछिल्लो विकसित भनेजुएला प्रकरणबारे छलफल भएको अन्नपूर्णले जनाएको छ ।

भेटमा प्रधानमन्त्री ओलीले नेपाल पञ्चशीलका आधारमा सबै मुलुकसँग सम्बन्ध राख्ने र कुनै पनि मुलुकको पक्ष वा विक्षमा नहुने भन्दै राजदूत बेरीलाई सम्झाउन खोजेको स्रोतले बताएको समाचार अन्नपूर्णमा प्रकाशन भएको छ ।