काठमाडौं– नेपाली राष्ट्रिय क्रिकेट टोलीका युवा खेलाडी आरिफ शेख र रोहित कुमार पौडेललाई नेपाल क्रेडिट एन्ड कमर्स (एनसीसी) बैंकले आफ्नो सद्भावना दूत बनाएको छ ।

बुधबार बैंकले राजधानीमा पत्रकार सम्मेलन गरि बैंकले क्रिकेट खेलाडीलाई २ वर्षका लागि सद्भावना दूत बनाएको जानकारी दिएको हो ।

सद्भावना दूत घोषित युवा खेलाडीले बैंकमार्फत् मासिक २५ हजार रुपैयाँ पाउने बैंकका सिईओ रमेशराज अर्यालले बताए । नेपाली क्रिकेट टिमले अन्तर्राष्ट्रिय स्तरमा पाएको सफतलासँगै खेलाडीहरु विभिन्न बैंकको सद्भावना दूत घोषणा भइरहँदा आरिफ र रोहित एनसीसीसँग आवद्ध भएका हुन् ।

बैंकको सेवा विस्तारको क्रमलाई निरन्तरता दिनेक्रममा खेलाडीहरुलाई सद्भावना दूत बनाएको र उनीको पनि साथ र सहयोग मिल्ने सिईओ अर्यालले जनाए ।

सद्भावना दूत भएका आरिफ र रोहितले आफूहरुलाई बैंकले दिएको अवसर प्रति धन्यवाद दिए ।