मुम्बई – निर्देशक अयान मुखर्जीको प्रतीक्षित फिल्म ‘ब्रह्मास्त्र’ को आधिकारिक लोगो रिलिज गरिएको छ । फिल्ममा आलिया भट्ट, रणवीर कपूर र अमिताभ बच्चनको मुख्य भूमिका छ ।

यो फिल्मको लोगोलाई महाशिवरात्रिको मौका पारेर फिल्म टिमले सार्वजनिक गरेको हो ।

शिवरात्रिको अवसर पारेर गरिएको इभेन्टलाई धर्मा प्रोडक्सनको फेसबूक पेजबाट पनि लाइभ टेलिकास्ट गरिएको थियो । फिल्मकी नायिका आलिया भट्टले पनि लोगो शेयर गरिन् ।

आलियाले ट्वीटरमा लोगो शेयर गर्दै लेखिन्, ‘पूरै अस्त्रका देवता – ब्रह्मास्त्र, अहिले यसको अफिसियल लोगो हेर्नुस् ।’

४२ सेकेन्डको उक्त मोसन लोगोमा ‘ब्रह्मास्त्र’ लाई अस्त्रहरुको अस्त्रका रुपमा परिभाषित गरिएको छ ।

यो फिल्मलाई तीन भागमा रिलिज गरिनेछ । क्रिसमसको मौका पारेर रिलिज हुनेछ । फिल्ममा मुख्य कलाकारका नाम चाहिँ शिव र ईशा छ । अयान मुखर्जीले निर्देशन गरेको यो फिल्मलाई धर्मा प्रोडक्सनले निर्माण गरेको हो ।

फिल्ममा सुपरनेचुरल रोमान्टिक कहानी देख्न सकिनेछ । फिल्मको कथाको भगवान् शिवसँग खास कनेक्सन भएको बताइएको छ । जसका कारण फिल्मको लोगोलाई शिवरात्रिको अवसर पारेर रिलिज गरिएको थियो ।