काठमाडौं– शहीद स्मारक ए डिभिजन लिगको यो सिजनका लागि फ्रेन्ड्स क्लबले ब्राजिलियन खेलाडीलाई टिममा भित्र्याएको छ । फ्रेन्ड्स क्लबले खेलाडीलाई मंगलबार काठमाडौंमा स्वागत गरेको छ ।

अघिल्लो वर्ष ११ औं स्थानमा रहेको फ्रेन्ड्सले यो वर्ष लिगमा राम्रो गर्ने लक्ष्यसहित टिममा खेलाडी भित्र्याएको बताइएको छ ।

फ्रेन्ड्सबाट खेल्ने नेपाल आएका खेलाडीमा फेलिपे डि सउजा, सउलो डे क्विन्नो र वाग्नोर डे कारमा छन् ।

विश्व फुटबलको महारथि मानिने ब्राजिलका खेलाडी नेपाल आउँदा नेपाली खेलाडीका लागि प्ररेणा विमानस्थल पुगेका पदाधिकारीले बताएका छन् ।

ए डिभिजन लिग मंसिर २८ गतेदेखि हुने तय भएको छ । अघिल्लो बर्ष मनाङ–मर्स्याङ्दी क्लब च्याम्पियन बनेको थियो ।