काठमाडौं- सहकारी तथा गरीबी निवारणमन्त्री पद्माकुमारी अर्यालले सहकारीका अगुवालाई उत्पादनका क्षेत्रमा लगानी विस्तार गर्न आग्रह गरेकी छिन् ।

नेपाल सहकारी पत्रकार समाज (सिजेएन) को नवौँ वार्षिक स्थापना दिवसमा अयोजित कार्यक्रममा उनले ‘एक पालिक एक कृषि फार्म’ स्थापना गर्न सहकारी अगुवालाई आग्रह गरिन्।

मन्त्री अर्यालले आफूले आफ्नो माइती गाउँ (स्याङ्जा) बाट तीन हजार कागतीका बिरुवा रोपेर एक पालिक एक कृषि फार्मको अवधारणा अघि सारेको बताउँदै सहकारी अगुवाले पनि ७५३ स्थानीय तहमा कृषि फार्म स्थापना गर्न आग्रह गरिन्।

हाल देशमा ३५ हजार सहकारी संस्थासँग कूल पूँजी रु सात खर्ब रहेको छ । प्रत्यक्ष तथा अप्रत्यक्षरुपमा झण्डै ६५ हजार मानिस सहकारी संस्थामा आबद्ध छन् ।