काठमाडौं– डिउटीमा खटिएका प्रहरी कर्मचारीलाई प्रभावमा पार्न घुस दिन खोज्ने १ जना युवा पक्राउ परेका छन् ।

पक्राउ पर्नेमा दोलखा घर भइ काठमाडौं बस्दै आएका २६ वर्षी राम खत्री छन् ।

बा ४५ प ६३७३ नम्बरको स्कुटर चलाएर आएका खत्रीले सवारी चेकजाँचमा खटिएका प्रहरीलाई प्रलोभनमा पार्न ८ सय रुपैयाँ दिन खोजेका थिए ।

उनले सवारी चालक अनुमति पत्र (लाइसेन्स) र आवश्यक कागजातबिनै सवारी चलाएको फेला परेपछि प्रहरीले स्कुटीलाई नियन्त्रणमा लिएको थियो ।

नियन्त्रणमा लिएको स्कुटर छुटाउनका लागि उनले प्रहरी कर्मचारीलाई प्रलोभनमा पार्न ८ सय रुपैयाँ दिन खोजेका थिए ।

डिउटीमा खटिएका प्रहरी कर्मचारीले खत्रीलाई घुस दिन खोजेको ८ सय रुपैयाँ र स्कुटरसहित नियन्त्रणमा लिएका हुन् ।