उत्तर कोरिया– उत्तर कोरियामा जारी विशाल खेलकुद समारोहप्रति उत्तर कोरियाली सर्वोच्च नेता किम जोङ उनले असन्तुष्टि जनाएपछि स्थगित भएको छ ।

गत सोमबारबाट शुरु भएको खेलकुदको आयोजकप्रति सर्वोच्च नेता किम जोङ उनले असन्तुष्टि जनाएपछि खेलकुद समारोह जुन १० पछि हुने गरी सारिएको अन्तर्राष्ट्रिय सञ्चारमाध्यमले जनाएका छन् ।

खेलकुदको आयोजनालाई अझ परिष्कृत गर्नका लागि खेलकुद स्थगित गरिएको जनाइएको छ । यद्यपि किम जोङ उन उक्त खेलकुदको कुन पक्षमा असन्तुष्ट बने यसबारे केही खुलाइएको छैन ।

यसअघि गत सोमबार किम जोङ उन तथा उनकी श्रिमती रि सोल जूले अन्य वरिष्ठ अधिकारीसँग उक्त खेलकुद उद्घाटन समारोहको अवलोकन गरेका थिए । उत्तर कोरियामा हुने खेलकुद समारोहमा ठूलो सङ्ख्यामा विदेशी पर्यटकहरु आउने गर्छन् ।