काठमाडौं– सुर्खेतबाट पक्राउ परेका सामाजिक अभियन्ता ज्ञानेन्द्र शाहीको रिहाईको माग राख्दै एक युवाले आमरण अनशन थालेका छन् । सामाजिक अभियन्ता शाहीको सामाजिक सञ्जालमा समर्थन जुटिरेहकै बेला के एन बस्याल नाम गरेका युवाले गत शनिबार देखि नै आमरण अनशन थालेका हुन् ।

११ बुँदे माग सहित अनशन थालेका हुने शाहीको रिहाई नभएसम्म अनशन नतोड्ने बताएका छन् । गएको जेठ १५ गते गणतन्त्र दिवसको दिन सुर्खेतमा आयोजित भ्रष्टचार विरुद्ध कार्यक्रमबाटै प्रहरीले शाही पक्राउ गरेको थियो । पक्राउपछि शाहीलाई प्रहरीले यातना दिएको भन्दै सामाजिक सञ्जालमा चर्को विरोध भइरहेको छ ।

प्रहरी पक्षले भने आफूहरुबाट त्यस्तो केही नभएको भन्ने धारणा सार्वजनिक भएको छ । तर ज्ञानेन्द्र शाहीका समर्थक यो मान्न तयार देखिएका छैनन् । किनकी मानसिक यातना र कुटपीटकै कारण उनलाई अस्पताल भर्ना गरिएको जिकिर गरिरहेका छन् ।

चर्चित पत्रकार रवी लामिछानेले समय यस मुद्दालाई लिएर आधिकारिकता सार्वजनिक गर्ने जनाएका छन् ।