धादिङ– धादिङको खनियावास गाउँपालिकाका स्थानीयले अवैध रुपमा राखेको १६ थान भरुवा बन्दुक प्रहरीलाई बुझाएका छन् ।

सरकारको निर्णय अनुसार जिल्ला प्रशासन कार्यालय धादिङले चैत एक गते सुचना जारी गर्दै ३५ दिनभित्र अवैध रुपमा राखिएका हातहतियार बुझाउन भनेको थियो । जिल्ला प्रहरी कार्यालय धादिङले खनियावास गाउँपालिकामा गरेको सार्वजनिक सुनुवाई लगायतका कार्यक्रमहरु गरी अवैध रुपमा राखिएका हातहतियारहरु बुझाउन अनुरोध समेत गरेको थियो ।

सोही क्रममा गाउँपालिकाका स्थानीयले आफूसँग रहेको १६ थान भरुवा बन्दुक धादिङ प्रहरीलाई बुझाएका थिए । जिल्ला प्रहरी कार्यालय धादिङले शुक्रबार पत्रकार सम्मेलन गर्दै स्थानीयले बुझाएको हातहतियार सार्वजनिक गरेको हो ।