काठमाडौं- उत्तर कोरियाली सर्वोच्च नेता किम जोङ उनले विभिन्न कारणले चर्चामा आउँछन् । आणविक अस्त्र उत्पादन र परीक्षणका कारण विश्व चर्चित बनेका उनी सेतो घोडा र पर्वत भ्रमणका विषयले पनि चर्चामा आउँछन् ।

अहिले पनि किमले पेक्तु पर्वतको भ्रमण गरेका छन् । यसलाई चासोका साथ हेरिएको छ । उनी उत्तर कोरियाको पवित्र मानिने पेक्तु पर्वतको भ्रमण निस्केका तस्वीरहरु सार्वजनिक भएका छन्। तस्वीरहरुमा उन पत्नी र सहयोगीसहित सेतो घोडामा चढेर उनले सो पर्वत पुगेको देखिन्छ ।

यो पर्वतलाई कोरियाली प्रायद्वीपकै सबैभन्दा पवित्र मान्छन्। २ हजार सात सय ४४ मिटर उचाइमा रहेको सो पर्वतमा दुई महिनाको अवधिमा किम दोस्रो चोटी पुगेका हुन्। यसअघि पनि कुनै ठूलो निर्णय लिनुअघि किमले सो पर्वतको भ्रमण गर्ने गरेका थिए। अहिले पनि सहयोगीसहित पुगेकाले के निर्णय होला भन्ने कौतुहलता पनि जगाएको छ ।

हेर्नुहोस सेतो घोडामा सवार किमका तस्वीर