एजेन्सी– भारतको गुणगाउँ शहर संसारकै सबैभन्दा वायुप्रदूषित शहर रहेको प्रतिवेदन सार्वजनिक भएको छ । एअर भिजुअल नामक संस्थाले सार्वजनिक गरेको सबैभन्दा धेरै वायुप्रददूषण हुने शहरको सूचिमा गुणगाउँको नाम शीर्षस्थानमा आएको हो ।

भारतको राजधानी नयाँ दिल्लीनजिकै रहेको गुणगाउँमा हावामा धुलाको मात्रा १३५.८ माइक्रोग्राम प्रतिघनमिटर रहेको एअर भिजुअलले जनाएको छ ।

त्यसबाहेक संसारको सबैभन्दा धेरै वायुप्रदूषण हुने शहरको सूचीको शीर्ष दशमध्ये ७ शहर भारतका मात्र छन् । वायुप्रदूषण हुने शीर्ष दश शहरको पहिलो नम्बरमा भारतको गुणगाउँ दोश्रोमा भारतकै गाजियावाद, तेश्रोमा पाकिस्तानको फैसलावाद, चौथो नम्बरमा भारतको फरिदावाद तथा पाचौँ नम्बरमा भरातकै भिवादी शहर छन् ।

त्यस्तै सबैभन्दा धेरै वायुप्रदूषण हुने शहरको सूचीको छैटौँ नम्बरमा भारतको नोइडा, सातौँ नम्बरमा भारतकै पटना, आठौँ नम्बरमा चीनको होटान, नवौँ नम्बरमा भारतको लखनउ तथा दशौँ नम्बरमा पाकिस्तानको लाहौर शहर परेका छन् ।

सबैभन्दा धेरै वायुप्रदूषण हुने शहरको सूचीमा काठमाडौँ भने ९९ औँ स्थानमा परेको छ । त्यसबाहेक सबैभन्दा धेरै वायुप्रदूषण हुने शहरमा शीर्ष २० मध्ये १५ शहर भारतका परेका छन् भने वायु प्रदूषण हुने शीर्ष ३० मध्ये २२ शहर भारतका परेका छन् ।