काठमाडौं– राजश्व अनुसन्धान विभागले विभिन्न समयमा राजश्व छली गर्ने फर्म (कम्पनी)विरुद्ध पौने २ अर्बभन्दा बढीको बिगो दावी गर्दै मुद्दा दर्ता गरेको छ ।

नक्कली तथा झुटा मूल्य अभिबृद्ध कर बिजक (भ्याट बिल) बनाएर राजश्व छली गर्नेविरुद्ध विभागले मुद्दा दर्ता गरेको हो ।

नक्कली भ्याट बिलको कारोबार गर्ने दुई जना जयकिशोर साह र परमेश्वर साहलाई पक्राउ गएिपछि विभागले संभवतः अहिलेसम्मकै सबैभन्दा ठूलो राजश्व छलीको पर्दाफास गरेको हो ।

नक्कली भ्याट बिलको कारोबार गरिरहेको सूचनाका आधारमा विभागले जयकिशोर र परमेश्वर साहलाई नियन्त्रणमा लिएर अनुसन्धान थालेको थियो । उनीहरुमाथि अनुसन्धानपछि विभिन्न २४ फर्मले १ अर्ब ७५ करोड ४४ लाख १० हजार २ सय ३० रुपैयाँ बराबरको राजश्व छली गरेको भेटिएको हो ।

विभागले परमेश्वर साहलाई गत माघ ३ र जयकिशोरलाई ४ गते पक्राउ गरी अनुसन्धान थालेको थियो । उनीहरुले लेखपढ समेत गर्न नजान्ने तल्लो तहका मजदुरलाई प्रयोग गरी उनीहरुको नाममा फर्म कम्पनी दर्ता गराएका थिए ।

परमेश्वर र जयकिशोरको समूहले मजदुरका नाममा दर्ता भएका कम्पनीको नक्कली भ्याट बिल र बिजय बनाएर राजश्व छली गरेका विभागको अनुसन्धानबाट खुलेको छ ।

विभागले राजश्व छली गर्ने २४ कम्पनीविरुद्ध १ अर्ब ७५ करोड ४४ लाख १० हजार २ सय ३० रुपैयाँ बिगो र फर्मका सञ्चालकहरुलाई ३ वर्षसम्मको कैद सजाय माग दावी गर्दै काठमाडौं जिल्ला अदालतमा मुद्दा दायर गरेको हो ।

यी हुन् राजश्व छली गर्ने २४ फर्महरु,